30.5.06

Que é De troula?

De troula é umha publicaçom plural. Pretende ser umha montra da movida galega. Do que se passa nas ruas das cidades e vilas galegas. Mesmo nas verbenas das aldeias. Queremos ser umha guia de actividades, de eventos. Um termómetro da tensom criativa. Umha crónica de actividade lúdica e festiva. E também, umha janela da oferta de ócio do país. Você sai a ganhar se se anúncia aquí. Porque esta publicaçom pretende ser distribuida de maneira gratuita por toda a geografia galega. O seu estabelecimento ou empresa será umha referência visível nesta publicaçom, anunciada ao pé de outros estabelecimentos do seu concelho, para que o nome do seu negócio acabe sendo rapidamente associado com o seu lugar de ubicaçom.

Esta publicaçom está dirigida a um abano ilimitado de utentes. Por isso terám cabimento toda classe de conteúdos. Desde a cultura mais alternativa até a mais comercial. O que nom significa que esta publicaçom nom tenha critérios e princípios definidos. Nom vamos dar cabimento a conteúdos de carácter sexista, que denigrem as pessoas polo seu gênero ou pola sua tendência sexual. Nom vamos dar cabimento a conteúdos que ofendam a qualquer povo ou étnia, nem em geral de conteúdo racista. A língua oficial da publicaçom será o galego. Dentro desta premissa, haverá liberdade normativa. A poesia, o relato, a banda desenhada e o humor gráfico, terám umha casa comum em De troula. Aspiramos a ser umha publicaçom referente no mundo da cultura e do ócio, de maneira que nos leia, nos olhe, nos consulte muita gente, muito diversa em interesses, e de toda Galiza.